Ka mafuri, sephethephethe se be se kwagala se le kgolekgole. Ba be ba kgona le go kwa koša ya bose ya tswii-tswii ya nonyana ye nnyane. Bella a tswalela mahlo a pholophotha Noodle. Bobedi ba ile ba fofa!
“Aaaaaah! Eish! Aaaaah!” Modumo o mobe kudu wa tšwa ntlong ya Koko ka thoko ye nngwe ya leboto la ka morago. Ka lebelo, Bella a kitima a ya go botša mmagwe se a se kwelego.
“Go na le medumo e mebe go tšwa ntlong ya Koko!” gwa goeletša Bella godimo ga vrrrrr, vrrrrr! ya motšhene wa go hlwekiša mmete. Mma o ile a o tima.
“Ga se ka kwa selo,” a realo Mma.
“Theeletša!” a realo Bella. Mma a kwa modumo!
“Aaaaaah! Eish! Aaaaah!”
“Ke Koko,” a realo Mma. “Ragoga! Re swanetše go ya go bona gore bothata ke eng.”