Intliziyo yam iyasinda
Kwaye akhekho onokundiphathisa
Ndijongile nje akekho nonokuyipholisa
Akekho onokumelana nale ntlungu
Ndifuna ukulila kodwa inyembezi aziphumi
Ndifuna ukukhwaza nditswine kodwa kunzima
Okwam kwaziwa ndim
Kukhathalelwe ndim
Uyazi ngumnqa lo
Mzuzu mnye ndiqhayisa ngawam amhlophe
Komnye ndiphantsi kwengubo umqamelo umanzi
Azi ngubani na endinokukhala kuye
Ngoba ayingangam le ngoku
Ingaphezu kwamandla am
Kuvakala ngathi babenyanisile
Xa babesithi zose ndibento
Soze ndiwuvuse okaZondwa
Ngoba ngale ndlela ndiqhuba ngayo akukho themba
Ngendlela endikhala mhla nezolo ngayo