Uxolo asinto yemin’enye.

Uxolo ngumgca ontsokothileyo, onzulu.

Uxolo luxinzelela uxinzelelo ngaphakathi.

Uxolo luxhuzula ubuxhaka-xhaka bezixhobo zenzondo ngaphakathi ekuzikeni kwentliziyo lwakugqiba lupholise lowo uxolelayo.

Ewe, uxolo liyeza eliphilisa oxolelayo ngaphezulu ngoxolelwayo. Inene ozixhomayo entlungwini ngothandayo kuba le nto iluxolo ayinaxabiso kwaye ayixoxisi.

Ooxhanga bamise imixhadi bathi le nto iluxolo yeyamaxelegu amagwala kwaye soze baxola bona phofu nalapho ke andingeni ndawo, manditsho ndithi baphaxulana bona ooxam. Ohh gxebe booXhanga bendiba ndithi nixabana nodwa.

Hay ndiyadlala bethuna nam andiziva, ndisayosel’ amanzi.