Uph’ ubaba?

Imihla namalanga ngibalisa ngobaba Wami

Bamthatha bethi bazombuyis’ akangabuya

Kunemibuz’ engihlale ngiyibuza ngobaba wam’ angiphendulwa

Bafweth’ uphi ubaba Wami?

Kwenzakalani ngobaba Wami?

Njal’ Uma kubungazwa lolusuku lobaba mina ngilubungaza ngezinyembezi

Tshelani mina namushiyaphi ubaba Wami

Kuth’ uma kufika isikhathi sokuthi ngab’ uyangidodisa njengobaba kodwa ngimeswele

Kanti nalisaph’ ikhehla lami

Namusaph’ uJezilocingo ngempela

Kuthin’ uma sikhula ngaphandle kukaBaba

Kodwa nina nisangikwelet’ incazelo

Cha nangikhwabanisel’ impilo yokukhula nginobaba

Sengifisa ngish’ ukukhomba ngith’ ithambo lakhe lilele kuphi

Kepha ngizothini nangiphuc’ okuhle engangithi baba kukho

Ngitsheleni namusaph’ ubaba?

Kwenzakalani ngay’ ubaba?

Noma ngifis’ ukuluthokozela lolusuku ngizoluthokozela nobani ngoba nasiphuca yena? 

Angeke ngakusol’ ukufa ngob’ akumthathanga yinin’ enaspndeza ukufa kuye

Cha kodwa ningamavaka

Ningamavaka ngoba nanisab’ ukuthi uzel’ izinsizwa eziyoba nesibindi njengaye.

Ngempela uph’ ubaba wami