Kutlhurha kwamakarana ahlazana,

Kutjengisa ukuthoma ngabutjha 

Lapho koke bekungakhombisi ipilo, sekutjengisa ipilo.

Iinyoni zakha iindleko zazo,

Kuyatjho bona kunengi okusezako,

Ngitjho iinyonyana kuzoba buthaphuthaphu, iinyoni zizokwanda.

Uyawuzwa umoya we thabo,

Umtjhiso otjhisa kamnanjana, okhamba neengazi oletha ithabo.

Qala amaviyaviyana emathuthumbeni, 

Nawo enza umsebenzi wawo wemvelo.

Amathuthumbo ayathuthumba atjengisa ithabo.

Koke kuvukile, kutjengisa ithabo nepilo.

Yoke into ngaphasi komthunzi welanga uletha ithemba lepilo.

Kumnandi kunjaya kuyakarisa.

Iphasi loke livukile, 

Iphasi liphakamelwe mumoya wepumelelo,

Woke umuntu unethemba lokuragela phambili ngepilo.

Koke kuthoma ngabutjha 

Ikhasi elitjha lapho sizokuthoma ukutlola indatjana etja.

Sithoma ngabutjha ngekhambo elitjha.

Senza okuhlukileko, ngombana sifuna ukuthola okuhlukileko.