Ukusiza umuntu akulona icala
Kungeyona ne nkinga futhi.
Inkinga iqa uma wena usuhamba ushel’abantu
“Umbona enje yimi ngamsiza”.
Ubuthunywe noma ubucelwe ubani?
Ukusiza abantu akuqali ngawe
Kungeze futhi kugcine ngawe.
Leligama elithi ‘ubuntu’
Lisuselwe khona ekusizaneni kwabantu.
Asibasize abantu
Kodwa hayi ngeso loduma noma lenzuzo.
Odadewethu banezibazi abayoze bayoshona nazo egodini
Ngoba basizwa umuntu owayebheke inzuzo kwabaphoqa ukuthi abamkhokhele ngalendlela ayefuna ngayo.
Kudela owaziyo ukuthi bazizwa benjani
Ngokuhlukumeza ingane zabantu.
Nahlanje siphila kwesinye isikhathi
Ngisho lapho kudayiswa nezinto ezingadayiswa.
Uthi umuntu elambile efuna umsebenzi
Libe limile ibhoklolo libhek’inkokhelo.
Ngizothathaphi imali yokuthenga umsebenzi
Ngivele ngingasebenzi?
Bekuyini ukusiza umuntu
Uzitholele izibusiso?