Ukadanena usadapite chiphadzuwa changa

Kuti umadana ndi masese ukadafotokoza mkazi wanga

Ndipo kuti wamkulu fodya udana naye ukadandiuza bulangete langa

Osati kungondisiya Siya ndekha ndekha pamphepo nditadekha

Taona ndangoti manja mkhosi gwire kusowa chochita ndekha ndekha

Ukanandiuza Kaye zomwe umadana nazo

Ona lero padzuwa ndekha ndekha ndikulimbana nazo

Ukadandiuza kuti zomangoswera pabawo umadana nazo

Taona zolakwa ine ,Viyezyo akuvutika nazo

Wandilakwira Nyagondwe poti ndi izi mtendere ndikusowa nazo

Ukadanena Kaye nthiti yanga

Kuti kuyankha mochedwa wako uthenga umadana nazo ukadandiuza

Ndipo kuti momasuka kucheza ndi anzako ai ukadandiuza

Ndikadasintha kale kale ine chifukwa ndimakukonda

Koma poti wanyamuka kale zabwino zonse ngakhale ndikadakukonda