Tšhelete! Selo se se botse botse

Seo re se nyakago gore re kgone go phela

Ntle le yona re ka se phele, selo sa go tsebja le ke masea

Re nelwa ke dipula, ra puputlwa ke meoya re leba mešomong ya go fapana re nyaka tšhelete

Ra bea maphelo a rena kotsing ka go sepela gare ga mpa ya bošego ele ge re nyaka tšhelete

E aga malapa ebile e a thuba

Bana ba motho ba jana botala ka lebaka la tšhelete

Malapa a thubega ka lebaka la tšhelete

Motsotso ka motsotso re gopola ditsela tša go dira tšhelete

Gobane ga gona seo se ka kgonagalago ntle le yona.