Tša borena tša bomakgolokhukhu di lotilwe

Ka tlase ga legogo di adilwe

Di ka se timele di bolokilwe

Ke tša setšo sa rena sa go se re hlabiše kgala

Rena Bapedi ba Sekhukhune gotšwa Tubatse

Rena bao ba tšhankgelago ka ntepa le lebole

Ra kgaba ra bogega ra hloka le bosodi

Masogana a bina kiba

Bakgekolo ba bina makgakgaša

Bakgalabje bona ba tia dikati

Gwa ba bose ra ipshina

Tša rena dijo ra itatswa ka tšona

Bogobe bja lootša bjo bose lena

Ka morogo wa thelele ra itokonya

Gape tša gešo di bose lena

Di phathekgile bophelo le bokgabo