Dlala kamnandi sigubhu sami
Isho maqede kugcwale injabulo kimi
Emphefumulweni wami nasenhlizweni yami
Isho kufudumale igazi lami
Lishise ngikitazeke obhozo bami
Dlala ka mnandi sigubhu sami
Ngijabule ngigiye ngize ngisine sigubhu sami
Ngisho ngicule iculo elimnandi
Engizolisho kujatshulwe kukikize omakoti emakhishini
Yisho sigubhu sami senjabulo
Yisho kufudumale ilanga
Livuthe amalangabi
Sijuluke sibe manzi ingoma yalesigubhu sami
Kuphele ingoma kuqale enye ingoma
Kuphakame unyawu luyephezulu
Sigubhu sami senjabulo
Ulokhu ungijabulisile
Sisine kuze kuchitheke utshwala
Sesigiya ngengoma