Sello sa tšhiwana

Nna yena tša gore “monna ke nku … di tlo mpalela!

Ke a lla, ke a lla!

Ke bjalo ka mpšana ke a kgakgautha.

Dikeledi tšona di ela boka noka.

Ke a kopakopa ke a lla.

Ke tla kwewa ke mang?

Ka gore bona ba ithobaletše.

Meloko le metswalle e mphuraletše!

Ba mphuraletše eke ga ba tsebe gore ke tswetšwe ke mang?

Ke tla kwewa ke mang?

Ba ikhomoletše eke ga ba kwe selo .

Sello sona ke kgitla sa masetlapelo.

Mma yena ba mo tshepišitše,

Ba mo tshepišitše gore ba ka se ntahlele diatla.

Lehono ge ke nyaka thušo, ba nkgaphela seatla.

Ba nkgaphela seatla eke ke mpšana.

Diaparo ke mankgeretlana

Tše diswa di swanetše ba bona.

Ke nnete lefotwana e se la gago o le gaela le phela.

Wena Kukamaditšhaba nna ke tshepa wena fela.

Tša go bonagala ke fiwa ge re na le baeng.

Baeng ge ba sa eta, ke ješwa mašaledi.

Ke fetogile kuka ke apea tša mehutahuta.

Ke fetogile mošomedi ke somišwa mešomo ka moka.

Ga se gore ke rotha dinala.

Ba bona ba nageng ya Kanana.

Ba bona eke a ba na matsogo.

Ba bona eke a ba na maoto.

Ke fela ke ipotšiša gore ke sentše kae?

Ke fela ke ipotšiša gore ke tšhabele kae?

Bamolao ba tlo dira eng?

Ge ke ba swariša ke tla hlokomelwa ke mang?

Modimo ga a fole patše.

Ntho e nngwe le e nngwe e na le nako ya yona.

Gore Gauta e phadime e hloka mollo.

Tšhiwana ye e sa hwego e leta monono.