O se ke wa lla wena kgaetšedi ya Hunadi,
Ke ra wena Phaahla ya Bauba,
O reng o re thiba ditsebe rena banabeno?
Sello sa gago ke moropa re a binabina,
Re thiba ditsebe ra itira difoa,
Meokgo ya gago ya tlala dikgamelo,
Re iphetošitše sefofu seo se sa bonego,
Gobane maele a rena o a ganne,
Letšatši le letšatši re kgalemela empa o sa theetše.
O rile wena o monna wa go ikemela,
Lehono o hloka le seeta sa go rwala,
O hloka thuto yeo o e gannego,
Metsoko o kgoga ya mainaina,
Bjala o tloga o enwa bja bakgalabje,
Re tla reng ka ge o ikgethetše.