Ukuhamba kubona
Ukuhamba ukubona lapho sengidlule
Izigaba nezigaba zobunzima empilweni
Ngangizibona ngisezulwini ngingazi
Ukuth’ impilo lena inameva iyahlaba
Ngathukwa sengindlulile ngingazi
Ngizobuka kubani na.
Ngigudla amazwe ngifuna uthando
Ngazithela kwesikhulu sakulela isigebengu
Ngikhuzwa ngizwa lutho ngididwa wuthando
Wayiphula eyami’nhliziyo lapho ngithi nginethezekile
Nhliziyo yangikhohlisa ngibona owamaphupho
Ngingazi ngiyazi bulala,impel’ ukuhamba ukubona
Ngizibuza ngiziphendula ngihlezi nginenjabulo
Ngingangazi ngiyozikhala ezimathonsi, kwakungemina
Kodwa kuwuthando, wangilaya thando sengikhihla esikana
Mandi isililo,ngiyazibuza ngiyaziphendula,ngangibona izulu
Liphelel’ entendeni yezandla zami,ngihambile ngibonile
Nakulizwe alipheleli,nakuyinhliziyo asoze yacola .
Ngingazi injabulo yami yophenduka ingidabusa
Ngowami ngaziphandla, ngowami ngazihlaba ekujuleni
Kayo engabonwa,sona esingasoze saphola ngizenzela
Ngokuhamba,ngehla ngenyuka ngifuna olweqiniso
Basho abadala bayihlaba esikhonkosini
Bethi ukuhamba ukubona