Lehono ke godile
ke Mosadi ke betleile
Ke tseba ye ntsho le ya sehlana
Ke Mosadi ke godile
Lehono ke a retiwa
Le wena o tumisa leina laka
Naa goreng o iteboga ka dienywa o sa Di bjala?
Naa goreng o ngwatha bofodile eke o bone dipitsa?
Naa goreng o itatswa go sa ja wena?
Ke di bone tsa lefase
Ka ithuta tsa phaku
Ka ge ke be ke sa tsebe bophelo
Ka tlaisega eke ke molahlegi
Ka bona ke ba bohle ke sotlega
Ba ntshwela ka mare bohloko
Ke goeletsa sa masetlapelo
O tla kwa ke mang?
Ngwana’mokhura kgotlelela
Lehono ke tsugile
Le nhoeletsa ke satla kgole
Le lebetse gore ke godile ke nosi
Ke fepya ke beng tsela
Ke godiswa ke bafeti ka tsela
Ele bona ba hlomogago pelo
Ele bona ba kwago sello saka
Tswela pele o dira bokobo
Tse botse di tla nlatela
Ke sa fele pelo
Kare tswela pele ngwana’mminaphiri