Ibingezonjongo zam ukumlimaza;

Ibingezonjongo zam ukunikhathaza;

Ibingezonjongo zam ukukhuph`umphefumlo

Xolani ntozobawo nam ndilixhoba!

Ndibolekeni iindlebe nimamele;

Ndicela inzwi kuthulek`enkundleni;

Sifunda kwiimpazamo aph`ebomini

Xolani ntozobawo nam ndilixhoba!

Waphants`umoya wam andiyazi nokuba mandithini

Kaloku ngelam bendithi ndiyazikhusela;

 Bendingazi ukuba ukuzikhusela kwam kuzondijikela

Xolani ntozobawo nam ndilixhoba!

Ndizamil`ukumnqanda kodwa akamamela;

Ndizamil`ukumbonisa wayikhaba eyam`imibono 

Ewe yena ebengumoni kodwa nam ndingumoni kuni ntozobawo;

Xolani ntozobawo nam ndilixhoba