Mlambo mni nalo ungakhali masele?
Khaya lini na eli lingena bani?
Sithokothoko sini na esi sisongameleyo?
Sikizi lini eli lisehlelayo?
Lishwangusha lantoni eli lisigubungeleyo?
Simis’imixhadi sixovula kanti
sixovula phezu ko xam.
Sijula ezombathisayo sijonge
impumalanga kuba kaloku ayikho inkomo
yobuthongo kanti sokwamkelwa yintshonalanga.
Lisikizi, yintsomi akho sango
singalingenanga.
Zintetho zabantu kungekho
gama singabizwanga ngalo.
Lishwangusha lomhlola esingakhange salibona.
“Usana olungakhaliyo lufela embelekweni,”
Akukho sizathu sokutshweda intlungu ibhalwe ebusweni.
Inxeba liyopha akho sazi unonceda.
Ndibhidekile, ngumlambo mni na lo ungakhali masele.