Ibiyindlela yokuzikhulula
Kulamatyathango namaqhinaEbendibophile. Ibingumhlonyane
Kukhohlokhohlo. Ikhala kwisisu.
Isithoba-ntlungu sam
Umbuzo umile ngoku
Xa zingekho ezo ntlungu neengxwaleko uyenzela ntoni?
Andikwazi kuwuphendula lo umileyo
Kuba andikholelwa ukuba intlungu yam iphelile.
Ndiva ngokungathi isaza kuqhubekeka
Kodwa ngaphezu kwakuqala.
Ndiva ngokungathi oku kuwuva umphefumlo
Xa ndiphefumla,
yinzolo phambi kwesichotho esikhulu.
Ndiva ngokungathi sisondele
Kuba amachaphaza sendiwava
Esikhumbeni sobuso bam.
Ndingotheni kanti mna?
Ukonwaba yalundwendwe,
Intlungu yangumhlali?
Inene sisiqalekiso esi.
Ndiyazibuza uba sesinjani esi
Singancedwa yibhokhwe namadolo?
Nditsho nonekhandlela nonehempe emhlophe akayichanisisi kakuhle le indiphetheyo intlungu
Ndinethemba kodwa xa ndijonge kule ncwadi inomlomo obomvu ndiguqile,
Mhlawumbi la machaphaza ndiwavayo
Ngala weentsikelelo namathamsanqa.