Kuzophileka nakulobu buhlungu
Kuzodluleka nakuzo lezi zinyembezi
Ezikhalisayo zehle emgwaqeni wentukuthelo
Zithele nezithelo zazo ezibuhlungu
Ezibuhlungu kazipheli
Ziningi esishona nazo
Abashone nazo nelanga seliyoshona

Lezi zinhlungu umama u-Africa
Azizwayo angeke azilapha
Ngoba zilapha seduzane
Kubuhlungu ukubona ifa lezizukulwane
Lidliwa izihlakaniphi
Zasemazweni ngamazwe
Isibusiso saphenduka isiqalekiso kwababusisiwe
Bakhombana ngeminwe
Behlupheka belala phezu kwegolide
Belamba belala phezu kwemali
Amasela elokhu ebaculelile izingoma
Alokhe ewugovuzile umthakathi ukuphi
Sathakatheka ngobulima saphupha
Saphupha silele izihlakaniphi zisuthi
Zidla zisule imilomo bese ziyasiculela