Yikulu into ezayo.

Iza nethabo elikhulu.

Lithabo lokubona ilanga liphuma ek’seni,

Begodu nokubona inyanga liqwele liphuma eb’suku.

Lithabo leli elenza koke lokhu bekufile, kumile godu, kuphile godu, kubelethwe ngabutjha.

Lithabo lokubethelwa ngumoya omnandi, 

Umoya wangaphasi kwesihlahla.

Lithabo lokuzwa iinyoni zibetha umlozi,

Zihlabelela iingoma ezimnandi.

Ngitjho nezinye iinlwana usuyabona ithabo litlolwe eb’sweni.

Lithabo lokuhlala ngaphandle bekubemnyama, lapho sibukela inkwekwezana phezulu esibhagabhageni.

Lithabo elingapheli emehlweni.

Lithabo elizele kuyoyoke into ephila ngaphasi komthunzi welanga.

Lizele iphasi loke… ubuhle bendalo.

Kuhlaza tlhapa, iintjalo ziyamila.

Siyavuna lokho esikutjalileko.

Abogogo nabomma bakhalela iingoma ezimnandi.

Amaqegu nabobaba bayagida.

Abesanyana nabentazinyana, 

Ubabona bayeqa yeqa njenge mbuzana ithabile ithabele ipilo yephasi.

ngathana ub’suka bebungekho,

bengekhe sithabele ithwasahlobo ngendlela le,

bengekhe ize nethabelingaka.

ngaphandle kobumnyama,

angeze sathabela ukukhanya.