O itheta bošego le mosegare ka tšhelete,
Bophelo o bo thekgile ka yona gauta,
Matšatši ka moka a bophelo o a lebišitše go yona,
O e dirile sereto sa go go tsentšha bogweng.
Makgarebe o kopane le a mehutahuta,
O ba apeša tše mme motswadi wa gago
A sa kago a di apara,
Dinwamaphodi o ba nwešitše ka tšona;
Ge nkabe motho a enywa dienywa,
Nkabe a phophoma dienywa bjale ka
Mohlare wa marula.
Tšhelete e go tšeetše semelo,
O lahlile dithaka,
O šika le basadi ba malapa,
Aowii,
Ruri nku le kgomo di ka robala šakeng le tee?
Naa tate o kae a tle a bone tše ke di bonang?
Go di bolela le yena ruri ke go bolela koma.
Ijoo! Nke o no mpotša,
O re: Moratiwa lerato laka,
O e ra mosadi wa go lekana le rakgadi kgaetšedi ya tate,
Ruri lesogana tšhelete e go fetotše,
O tloga o tsena ka gare ga bodiba
Bja kwena e tswetšeng ga šupa.