Qala inyanga izele, ikhanyisela woke muntu.

Inyanga ithoma ngokungabonakali phezulu esibhagabhageni.

Bese ivela sekuyiqephe ikhula njalo bekubezimveke ‘mbili.

Lapho sele izele ikhanyisela woke umuntu osebumnyameni.

Ayibandlulilo muntu, ayikhethi bala lomuntu,

Kodwana ikhanyisela woke umuntu ongaphasi komthunzi wayo.

UZimu usithanda soke ngokulingana,

Soke siyafana ngaphasi komthunzi wenyanga.

Soke sithoma singabonakali, sibeliqephe,

Sikhule bekufike lapho sibonakala khona ngobuhle bethu lapho sizele, sikhanya njengenyanga.

Inyanga ne langa zikhanya ziyadedelana.

Nakusikhathi senyanga, iyakhazimula ebusuku.

Nakusikhathi selanga, nayo iveza umthjiswayo emini.

Zidla ziyatjhiyelana.

Kunengi kusanele soke.

Akekho ongekhe athole.

Soke sokwanela njengendlela uZimu asabele ngayo.

Soke sabikwa begodu uZimu unolwazi ngathi soke lapha ephasini.