Ke mosetsana wa Motswana,
Fela Ke Mopedi ka tsalo
Tlotlo ke e Rutilwe ke motshwara-thipa
Ke mosetsanyana yo a senang molato
Ke ipela ka Setso le dingwao tsa batswana
Ke gopola ke dutse le nkoko ka fa tlase ga setlhare,
Re nwa mageu a a monate a a dirilweng fa gae
Pele a ikela badimong, Pele Mme a tsewa ka tsa nyalo
Pele re fudugela kwa motseng wa ba ‘pelo tse dikgopo
Mme ga a ka a inaya naga
‘Ngwao le ditso ke di tsaya tsalong
Fa nkabo ke neilwe tšhono ya go ruta ke ne ke tlaa ruta Setswana
Heelang! ‘tlang le ithuteng Setswana
‘tlang re ntshane se se mo inong
‘Puo tsa lona ke kgona go di bua fela
Ga lo itshwenye go ithuta ya me
Lo re “si yawa zonda amatswana”
A go rene kutlwano ‘gareng ga merafe
Ke kgona go bua, go thetha ,go apa, go khuloma”
Setso sa Batswana se ka seke sa nyelela
Ke tlile go Se tshedisa go fitlha metlheng ya bofelo
Ke Moaforika, Ke rata ditso tse dingwe
E tlare ke fetsa ka kwano ka ya go ithuta tse dingwe