Ke be ke itirile sehlalefi maloba,

Ke ikgapa ke ikgoroša mašego,

Ke bona lefase le laolwa ke nna,

Le bjaleng ke namela ditafola,

Ke tsefiša meletlo ke enwa bjala,

Masogana ka moka a baka  nna,

Ba re ke fiša tšhiritšhiri! ke etša legala,

Ba nthekela bjala ka mokgwa wo ke ratago,

Ba be ba sa nthekele felafela maisa ale,

Ke be ke lefa ka legogo ke ba alela,

Tšhelete yona ba be ba mpha yona,

Ke kgotsofala ke ithekela dilwanalwana,

Ke ra tšela tša go bitšwa ka mainaina,

Bjalo lehono ke motho wa kgobe ke moimana,

A ke tsebe gore mong morwalo ke mang,

Ke hlokile tsebe ge mma a nkeletša ge ke thoka matswele,

O rile go nna “ge o thoma go ratana o botegele motho o tee”,

Bjalo nna ke paletšwe ke go dira seo bana bešong.

Ke a itshola ge ke le maoto masehlana bjalo.