Ke direng?
Ke rema ke hlogo,
Monagano o sila ditaba tsa masetlapelo,
Ke gopola maloba ke itia sefega,
Ke iphora ka lefeela,
Ke be ke itirile poo,
Ke iphetositse ngwana magana go botswa.
Sekolo ke ile ka se lahla fase bjale ka letlakala,
Ke ikgwerantse le bagwera ba go ntahletsa,
Re be re sepela gare ga mpa ya bosego,
Re enwa, re kgoga, re utswa, re bolaya,
Re tshabiwa ke bohle,
Re ipotsa gore lefase ke la rena.
Batswadi ba lekile go mpea fase ba re ba nkgala,
Eupsa ke ile ka nganga molala bjalo ka kolobe,
Ka ba fosa ka mae a go bola.
Lehono di ntlabile,
Di ntshile le pelo e bohloko,
Ke tlemilwe ke ditshipi mmo ntlongle swiswi.
Ke fetogile kgogo yeo e nwetsego ke pula,
A ke gona ge ba re mahlale a ja mong?
Ke direng?
A ke tla kwela ke mang bohloko?
