Kaja katherere kachipande
Mudatibweretsera padzana paja
Ndithudi ubale wa konzunkozu ukomadi
Zoti ndinu anansi ndavomerezadi
Chathu chibale nchozimiranadi ndevu
Kuning’a pakati ngati chimvano chamavu
Mwainu ndithu ubwino ndauonadi
Wondithandiza ntchentche nditafundadi
Umodzi mutu denga susenzadi
Waife m’modzi mbonaona akaonadi
Akokoli avumbuluka nakuthawani
Koma ife titenga ubwino pokuthandizani
Ngati nyerere ifedi tiyenda
Zathu zinthu tiikadi mndandanda
Ubale wathu ukomadi nkuyenderana
Tikhalira pamodzi nthawizonse nkusangalala.