Ngehlizo nangenqondo ngitjho

Nangokomoya ngithukuthele

Ngigane unwabu,nakumzimba wona 

Uyala uhleli phasi kwanga sidindi

Amehlo wona ayazilila ezimathosi,

Iye ngiziphandle ngowami elihlweni

Ngangithi ngiyazi ngingakaboni

Nakumezwi wabadala ayazula enqodweni

Kwanga umrhatjho odlala ingoma

Endlini encane kula ngizisola nangihlezi

Khona,maye ngiyatlhuwa kaze uyongifuna 

Ungasangitholi,nakulinyawo lona alinamphumulo

Okwenze kimi ngolibala mhlana ngifako

Ooooh kaze ongaphezulu kulile ngombonelwa

Ngubani na?,nangembala ngihlamba izandla

Ngesenzo sakho,yona esiyiphilako lena

Iyamthatha osemsamo imbeke emyango,

Kwanga ngiyabhudanga ngilele kwamahlaza

Ngilele kwamahlaza amadlelo,nakuyiwo amehlo

Naka aphahle umboko,nakuskhathi esamoshekako

Asoze sabuyela emuva,khamba juba bayokubona

Abanamehlo,eyami ngiyidlalile indima bayatjho

Bathi oseyihlabile akakabi ukuyosa,mina ngithi ilihlo 

Liwela umfula uzele,khamba mvundla ziyoku nqanda

Ziyoku nqanda phambili,ipilo lena ifuna uzithobe,

Wayirhaba le oyiphilako iyokwenza isilo sengubo,

Iyokuveza idumbe nalaungeze waliveza khona,

Intwehle iyanconywa njengoba batjho bathi,

Umgade uhlenzela abangana mpoto,uyovela ukhamba 

Kancancane kanga malokazana oya ngemzini