Mhla ngikhula ngakuthembisa
Ukushintsha isimo sasekhaya
Ngikucula sengathi kuvele kwenzeke.
Ngokungazi ukuthi ukukhula
Kwemimyaka ukukhula kwezinkinga
Impilo awuyiphili njengoba ucabanga.
Ngazibophezela ngomlomo,
Namuhla sekufanele ngenze
Impilo ithi Whoo! Awuyi lapho.
Namhlanje ngisasenes’fiso ke
Esokuvus’ ikhaya
Simakade impilo engcono nabo ngiyabafisela.
Ukuthi kanjani nami angazi
Ngoba iholo lami kuyenzeka
Libe zinsalela zokudla ,ngibonge khona ukulala ngisuthi
Kodwa ethembeni angeke ngiphunyuke
Ngizohlala ngoba izinto ezinhle ziyalindwa
Ukuthi Nini nami angazi,kodwa ukuzama ngeke ngikuyeke.