Namhlanje ngikhuluma ngenkohliso

Seyihehe abaningi beth’ uthando

Phel’ uthando sekwab’ ibizo lomuntu

Obabamkhulu balala nalo emhlabeni wongqoqwane

Ngizokhuluma ngami

Kwazise nami lungigilile

Inhliziy’ ayipholi kwazis’ ibhibhile

Kant’ amehl’ am’ alilile

Ngibe sothandweni ngakhululeka

Nganikela ngenhliziyo ngazidela

Kanti yen’ uthi lala lulaza sonkwengula

Ngisele nosana engingazi ngolishiyela bani

Ngisele ngenhliziyo engaya izibozi ngingazi ngoxoxela bani

Ngikhethe ukuthatha ipeni ngilobele iphepha

Kepha u-inki uvele waphela ngisabhal’ isihloko INKOHLISO