Ntombi emhlophe
Kuhle kwezihlabathi zolwandle
Ndoni yobisi ukube eyamanzi ngabe ngishilo
Ntombi emhlophe
Kwangathi nenhliziyo yakho imhlophe
Ngicela okumhlophe ntombi

Kunomthwalo engicela ungithule wona
Ntombi enhle ekhanyayo
Ubuhle bakho ntombi bungikhumbuza okuhle
Okumhlophe
Obuhlambululekileyo futhi okuhloniphekileyo
Ntombi ngingawasho wonke agcwale umlomo
Ngigiye kuze kuse emnyango
Indaba ingawe nkosazana

Akukho ntombi yaqoma inyamazane
Akukho soka elingenasici
Ntombi sale sewenza umsebenzi ophelele
Kusho mina ngisho kuwe ngiphelele
Nginika lesi sipho esimhlophe
Ngenhliziyo emhlophe
Kusanesikhathi ntombi
Sika kwelinonileyo kube ikanye