Mkhatsalele njenge mtali wakhe,
yiba ngumnkhombandlela kuye,
m’yale ngemphilo usaphila,
mnike yonkhe imilayeto latayidzinga.
M’bambe ngesandla nawuhamba naye,
umfundzise kutsi kuyini kubayindvodza,
sabela lapho akubita khona,
mphendvule nakabuta umbuto.
Msite nakacela lusito
ngobe kuwe utibona yena,
mtjele kutsi uyamtsandza,
mvumele ayente imicabango yakhe
umlungise lapho kuneliphutsa khona.
Mfundzise kutiphatsa ebantfwini,
mtjele ngekubaluleka kwemndeni,
umatise nekutsi ngalesinye sikhatsi
umuntfu ulala agucuke,
wonkhe lomtsembile sitsasakho sakusasa.
Umatise kutsi imphilo ingumdvwebo emhlabatsini,
nanobe kunini itawunyamalala,
ngangoke konkhe lesingiko namuhla
ngete sahlala singiko ingunaphakadze.