Kwadubuka kuphila kwemuntfu,

Wavuka umntfwana wemuntfu,

Yafika indlala kolowakhe umuti,

Wavuka wayosebentela umntfwana wemuntfu,

Yaphela iminyaka eloku asebenta busuku nemimi,

Wafika umholo wakhe,

Kodvwa waphendvuka lutfuli.

Yaphindze yabhoka indlala kulowakhe umuti,

wakhala umntfwana ngelusizi lwenhlupheko emtini wakhe.

Kungani kungabi khona kuphemelela kimi?

Kungani ngiyababona bayaphumelela kodvwa lutfo kimi?

Naku lulaka lifika lingiphotfula,

Ngaphuma ngihamba ngibuta,

Ngatfola kutsi kadze nimudla lowami umntfwana,

Lomuhla ngivele ngabe nolaka manginibona,

Umntfwanami nisula umjuluko wenu ngesandla sakhe,

Ngabe nitsi ngijabule nine umaniphumelela?

Ngifike kini ningibite ngem’tsakatsi,

Nitsi kuyinjabulo yini kusebentela lite?

Umjuluko wakhe usinatfo senjabulo ebantfwaneni benu.

Nitsi bakhe bantfwana balale badleni?

Naku seningiyetsa ligama,

Ningibita kutsi ngingumona.

Kunini lapho lutsandvo emntfwaneni laphendvuka umona?

Maye bantfwana basathane banelulaka.

Yekalani umphefumulo wemntfw’nami,

Hlalani ngekutfula nebantfw’benu.

Kepha angisoze ngakutfola ukuphumula,

Nisho ningibulalele ukuba ngumtali.

Maye umona lophetfwe bomakhelwane!

Anisoze nakutfola kuphumula kulomhlaba!