Ngiyintandane nje angithandi
Kulobuhlungu engibhekene nabo
Nosizi olungikhungethe ,angazi
Kungani umdali akhetha ngiphile
Kulobunzima engisele nabo emva-
Kokushiwa abazali bami
Sengaphenduka inhlekisa empakathini,
Komakhelwane, ngijikilwe nawu mndeni
Awobeka amazwi wanginika ithemba
Lokuthi noma abazali bami bengekh akusho
Kuthi sekuphelile ngami ngikhumbula amazwi
Ayeshiwo abo mndeni bethi sohlezi sinawe
Kanti bangixoxela inganekwane kanjalo noma khelwane
Ngiye ngibuze kuthi kungani umdali engathathi indlela elula kweyami impilo
Ngehla ngenyuka emugwaqeni akekho noyedwa ongizwelayo
Mangibachazela ngempilo yami bangithathisa okwephara
Kungani ngingaveli ngiye kwagoqunyawo nami ngilandele abazali bami
Ngihlale ngithandaza njalo kungani owami umthandazo ungaphendulwa
Kungani abazali bami bengangizweli kulolosizi nempilo enzima engibhekene nayo
Kanti mina ngangifumbethe usizi nenhlupheko yini
Kungani engekho ozwelana nami kulempilo engikuyo
Ye ngyazi ngafelwa bazali kungani bengabi lidlozi elihle kimi bengiphe amandla ngikwazi ukwakha-
Ikusasa lami kumanje ngihlala emugwaqeni ngikhangeza kwabandlula
Kumanje liyoshona ilanga angidlile angazi ngizolala phi
Kanti mina ngiqalekisiwe na ngenhlupheko ilona kusasa lami na leli engazalwa ngilifumbethe
Kusobala kuthi uwami unkulunkulu ungifulathele kanjalo nabazali bami bangifulathele
Kushukuthi eyami impilo imile la,kusobala kuthi nabazali bami abangithandi kungani bengwalwi nalempilo yami enzima
Ya yona impilo inzima