Mbuyangwana hi khomile timbilu hi swandla,

Hi pfurile manhlo bya nkwahle…

Hi rindzerile mahungu mo khomeka,

Leswaku hi mpela ku tshembha ka hina ku endlekile.

Hi langusele kucinca,

Kumbexana nguva ya nyawaka yi ta hi tele na swo khomeka kahle,

Yi ta hi tela na swo antswa eka leswa tolovelo.

Hikuva laha hi nga kona hi kolwe hi yo oxa…

Hi tele hi lo hotloo.

A kuvi na kucinca.

Hi rindzerile IEC leswaku yi heta ntirho wa yona,

Ku hlaya tinhlayo hi vukheta ni vu rhonwana.

Hi lava ku twa byuwelo wa hlawulo wa hina,

Hikuva hi rindzele ku cinca eka ntlhanu wa malembe lama taka ku suka sweswi.

Lava fambisaka eka nkarhi wa sweswi hi vavonile va rhangeli,

Ni phakela wa wona wa vu korhokeri hi wu vonile, kambe hi lava swin’wana..

Hi langisele ku cinca.