Sizamile ubonile
Uthando lweth’alusebenzanga
izifiso zeth’aziphumelelanga
Amaphupho weth’awafezekanga
Ngikuthathile ngakufak’enhlizweni yami
ngikuvumelile waphul umoya wami
uthathe konk’okwami
“Nkosi ngisiz’aphum’enhlizweni yami”
Bengikuthanda ngokweqiniso
Kodwa wen’uhlulekil’ukungitshel’iqiniso
Hamba juba bayokuchutha phambili
Ungakwenzi lokhu koyomthola phambili
Uthand`ebengikuthanda ngalo
Belubanzi lujulile
Inhliziyo yam’ebengikunike yona
Beyimhlophe njengeqhwa
Ngiyazisa ngenhliziyo yami
Eyahamba iyothanda yabuy’ingasaphelele
Uthando lwami naweludlule nomoya
Sizamile kwanhlangazimuka nomoya
Ungihlukumezile kwanele
Amaphuth’owenzil’anele
Hamb’ungabhek’emumva
Phela kubukw’isinamuva