O nkgethile o nthata
Wa re o tla mpha lerato
Nna ka go fa tlhompho
Le kae lerato lela?
Go fetogile kae?

O nkgethile o nthata
Wa re o tla ntshireletsa
Bjale lenaba laka ke wena
E kae tshireletso yela?
Go fetogile kae?

O nkgethile o nthata
Ka tlogela batswadi baka
Ke tshepha gore re tla aga lapa
Tshepo yaka e fetogile lefeela
Go fetogile kae?

Go fetogile nna,
Ka gore ke motswasehlabelo wa tlaiso
Badirelaleago ba lekile
Le baruti ba lekile
Ba tlaletsa le ka mangwalo a makgetwa
Go fetogile kae?
Ijoo thusang ijoo!