Uyakuthi akwaba sele kukwabekile.
Undibhuqe phantsi naphezulu ndibe sele ndimkile.
Intliziyo ,uthando nexesha lam kuwe sele ndilithathile.
Uyakuthi akwaba sele kukwabekile.
Intliziyo yam inamanxeba, yophukile
Nguwe mntwan’omnt’uyidubile
Nguwe mntwan’omnt’ uyophulile
Ngayo kaloku wen’udlalisile
Kodwa uyakuthi akwaba sele kukwabekile.
Konke okwam ndikunikile
Kuba kaloku bendikuthembile
Kodwa ngoku esobom’isifundo ndisifundile
Amehl’wam uwavulile
Yhini ukuwiswa lihashe lam ndilithathile
Nakwel’ityeli sthandwa sam undiphoxile
Kodwa uyakuthi akwaba sele kukwabekile
Yhini Madlomi…yhini Sopitso
Ndoneni kuwe ntomb’akowethu khawutsho
Sofa silahlane bendikade ndisitsho
Ingaba sele kukufuphi n’ukufa khanitsho
Ingaba sele ndizakuyikhaba n’ibhekile ukutsho
Ndizakukunika udlale ngayo
Ina!,thatha yenjenjalo
Undinike ndiyingcibe xana yaphukile
okanye xana ikudikile
Kodwa uyakundikhumbula sele ndimkile
Mhlawubi inqawa sele ndiyibekile
Elimagad’ahlabayo sele ndilishiyile
Njengobaw’omkhulu sele ndigodukile
Nezo bhekile ezo ndizikhabile
Ushiyek’apho kewena usinekile
Usithi “akwaba” phofu ke sele kukwabekile