Pelo ya ka e phuthologile,
E alegile boka lepatlelo la kgwele ya dinao,
E amogela matshwenyego a batho ka moka,
E na le kwelobohloko go mašaba a batho ka moka,
E boreledi e phuthela batho ka moka.
Mathata a batho e a rarolla ka nakonyana,
E rata ge batho ka moka ba phela ba thabile,
E rata go bona batho bohle ba ela meokgo ya lethabo,
E a hlakahlakana ge bana ba batho ba hloka dieta,
A e bo pate boroko ge bahloki ba hloka dijo.
Ge batho ba na le diphapano e tsena ka gare,
Ge motho a etšwa tseleng e a mo sebotša,
Ke eng batho ba sa bone pelo ya ka?
Ba reng ba fela ba mpitša yo mobe?
Ke yo mobe ge ke thuša setšhaba?
Modimo o tseba tšohle,
Ke yena a tsebang pelo ya ka,
Ka le lengwe la matšatši o tla nkaraba,
Ka tseba go aparelwa ke tše dibotse,
Morena o tseba botho bja ka.