Bana ba motho ba kgaogana tlhogo ya tsie

Batsadi go swa, boswa bo tsene motseng

Ngwao boswa ga re bue

Re bua boswa tlhola mathata

O ka baya tau botsetsi

Go šha ngwana leina mathata

Bogatlhamelamasisi ke jwa yo o pelo e thata

Ere thateng go retetse, maima a totile tota

Ba lebale karogano ele, ya bonnye jwa sejo

E kare go mekagarano, ‘thole di kuile

‘Ntšwe le kuiwang ele boswa, khumo ya lehatshe

Oh! Kana ga go ope ope yo o ka fologelang tlase nayo

A boammaaruri bo roromisang pelo

Botlhabang, motho a tsitle jaaka ntswa e timilwe mmutla eo kgogotse

Ka go sita maano fela a loso

Ga ke go hutse ke eng, wa swela ruri?

Ruri o thatafaditse pelo, o ikanne ka boammaaruri

Otla belega ngwana wa mosimane

Wa taa leina letlhoo

O kitlantse meno go menagane

Bona jaaka ba letsele bana

Ba betsana ka noga e tshela

Ba kgaogana jaaka sesana se utlwile selepe

Bowa boswa, bosha go simololwe sesha.