Go iketlwa o sa le ngwana,

O sa llela batswadi ntle le mathata,

O le ka tlase ga ntlo ya batswadi,

Empa  go gola ke bophelo,

Ba ba bangwe ba rile go gola,

Ba aparelwa ke thaba ya mathata,

Ba swere ka mo go fišago,

A ba kgone go hema moyana o mobose.

Ka manyalong ba tsene ka dihlogo ka moka,

Dipalamonwana ba rwele menwaneng,

Empa lethabo go bona ga le gona,

Difahlego tša bona di ponne,

Ba phela ba kgamathetše meokgo.

Ba bangwe ba hloka masea,

Setšhaba se ba bolela gampe,

Ba ba bitša baopa a ba belege,

Ruri nke Modimo a ka ba kwela bohloko,

A ba thuša gore ba hwetše tša bona ,

Ba tsebe go thaba le bona bathong!