Mandityabatye intungu midaka yakowethu,

Ndicangcathe phezu komongo,

Ndisithi amadoda mawazole amakhwenkwe athule athi cwaka.

Kowu zadilika intsika zoMzatsi Afrika,

Hayi madoda sabelani unibizile uLoyiso Gijana.Kazi ayaphi amadoda ayethembekile,Kazi ayaphi amadoda ayefunga angajiki.

Siphelil’isizwe samanina,Ngenxa yamaxaxavithi namaxelegu,

Xa kunahla nje amanina axhwil’imiphefumlo,

Axinen’ ingqondo angamaxhob’othando.

Hayini madoda!Masiqokelelane sikhusele,

Amagqiyazan’aseze ngobuso ezweni,

Khonukuze sisothule isikhalo samanina,

Xakunamhla nje inkokheli ziyaxoxa ziyaxokozela.

Imihla nezolo zixoza mphini wumbi,Ngenxa yamanyhuku-nyhuku namaxelegu,

Masibuyelo embo mawethu,kaloku sithi isiXhosa induku ayinamzi.

Makube njalo madoda,Icekwa lijonge kuthi ngolohlobo.

Ncincilili!

E.Hlwayi