Kuwe Ntokazi ngeswel’ amazwi kuwe Ntokazi ngeswel’ ukuzilahla. Ngeswel’ amandla okukubonis’ uthando enginalo ngawe. Ukube kuya ngami bengizokuvulel’ esifubeni ngikubonis’ indlela engizizwa ngayo ngawe. Ukube bekuya ngami bengizokuvulel’ esifubeni ubon’ lenhliziyo esh’ amashushu ngawe

Ntombi ngeswel’ indlela engcon’ engingachaza ngayo uthand’ enginalo ngawe. Kodwa yaz’ ukuthi ayikh’ indlela nom’ igama elingachaza lent’ engiyizwayo ngawe. Engikwaziyo ngiyasha ngawe, Uma ngike ngakubona ngivele ngizwe sengathi ngiyasangana. Phoke kunan’ Uma ngisanganisw’ indlovukazi yombuso weyam’ inhliziyo.

Uma ngikubona ngizithuka sengikubiza ngonomkhubulwane Wami. phela wen’ uyilembali ekhethekil’ efanelwe ukutshalw’ emagcekeni akithi. Yazi wen’ Uma ngingakubonanga kuvele Kube sengathi kuthon’ into elahlekile Kimi. Ngivele ngizizwe sengathi ngikwelet’ umashonisa thizeni. Hhayi ngifuneleni abeluleki bezikweleti ngizwa sengathi ngiyamukweleta ubaba wakho.

Uma kukhon’ osekuphule inhliziyo Ngicel’ ungivumele ngib’ udokotela wayo ngiyelaphe ngaphakathi. Lenhliziyo ngizoyelula ngiyibhandishe ngamakh’ othamdo. Ngizoyinik’ uthando lweqiniso nempatho. Ekujuleni kwenhliziyo Yami kulobiz’ ithemba negama lakho. Ngiqinisil’ Uma ngithi ngiyasha ngawe, lomlil’ owequbula lon’ elabaselwa uNkulunkulu. Ngaloluthando ungaphemb’ izimbiza zaphakade yebo luyavutha. Ntokazi bengicel’ ithuba lenxiwa kweyakh’ inhliziyo