Murahu ha nnḓu phosho ya zwiendedzi yo pfalela kule, kule-kule. Vho kona na u pfa luimbo lwa thwithi-thwithi lu takadzaho. Bella o bonya maṱo awe a farafara Noodle. Nga murahu vhuvhili havho vha fhufhela nṱha!

“Yowee! Maḽoo! Yowee!” Muungo u si wavhuḓi wo bva nḓuni ya Gogo nga sia ḽia ḽa luvhondo lwa nga murahu. Nga u ṱavhanya, Bella o gidima a ya a vhudza mme awe zwe a pfa.
“Hu na miungo i si yavhuḓi i bvaho nḓuni ya Gogo!” Bella o huwelela nga thungo ha wuu, wuu wuu, wuu! ya mutshini wa u kulumaga khaphethe. Mme vha u dzima.

“A thongo pfa tshithu,” ho amba Mme.

“Kha vha thetshelese!” ho amba Bella. Mme vha mbo ḓi u pfa!

“Yowee! Maḽoo! Yowee!”

“Ndi Gogo havho,” ho amba Mme. “Nga u ṱavhanya! Ri tea u ya ra vhona uri hu khou itea mini.”