“Ha ho le jwalo, o mong ke ona he,” ha rialo Nkgono a inamela ka ho Bella. Mbaa! A tjho a mo suna haholo lerameng. Bela o ne a lebetse hore ke medumo e mekae eo a e badileng, empa oo o ne o e feta kaofela!

“Oo ke modumo oo ke o ratang ka ho fetisisa!” a rialo a bososela.

Ka nako ya ho robala, Mme a botsa Bella, “Na o a tseba hore modumo oo nna ke o ratang ke ofe?”

“Ke ofe?” ha botsa Bella.

“Ke ona!” ha rialo Mme, a tsikinyetsa Bella haholo mpeng.

Ha, ha, hee, hee, ha, ha, hee, hee! Bella a tsheha haholo.

Ehlile! Ditsheho ruri ke ona modumo o monate ho feta lefatsheng lohle. Wena o nahanang?