UMma, u-Bella no-Noodle barhabela endleleni behlela kwaGogo. Bathola uGogo ngephunyaneni lakhe avuthela isandla sakhe.

“Eitjh! Ngizitjhise isandla ngepoto etjhisako leya!” kulila uGogo.

“Sifake ngaphakathi kwamanzi amakhaza, mina ngisayokuthatha ikhidi yami yesizo lokuthoma,” kwatjho uMma, wasuka wagijimela kwakhe – bhada, bhada, bhada.

Msinyazana uMma wabuya aphethe ibhokisana elimhlotjhana elinesiphambano esibovu esivalweni salo. Wazesa isandla sikaGogo ngokusamafutjhana, wasibopha ngebhanditjhi.

“Gogo, angekhe ukghone ukupheka ngesandla esibuhlungu,” kwatjho uMma. “Wena nomndenakho nize nizokudla nathi isidlo santambama namhlanjesi.”

“Ngiyathokoza,” kwatjho uGogo. “Ngibawa uthathe ipoto yeembhontjisi leyo sizokungezelela ngazo ukudla kwethu.”

Ngesikhathi sesidlo santambama, uGogo wafika nomndenakhe.

Yam, yam! – lelo litjhada ebalenzako lokha nabanukelela ukudla kwekheri okumnandi okuphekwe ngunina ka-Bella kwahlanganiswa neembhontjisi zakaGogo. U-Noodle naye wabe waphakelwa kancani ngesitjeni sakhe. Tjhopp, tjhopp! Wakudla koke. Wase usela amanzi. Wasela isitja soke samanzi!

“Ngithabe khulu ngombana nisizwile isililo sami,” kwatjho uGogo ku-Bella. “Bengimajadu ngibalana namatjhada angizungezileko,” kwatjho u-Bella.