Lefase la Lešole le ema tsee! ge a bona Senoinoi la mathomo mo motseng wa gabo. Kgarebe yeo e mo utswa maikutlo. Ntle le tikatiko, o lahlela la bošiwana gomme Senoinoi o a mo dumela. Bothata ke gore Lešole ke morwa a nnoši wa Kgoši Monare ebile ba šetše ba mo kgethetše kgarebe yeo a swanetšego go e nyala mohlang a tsokama setulo. Na ekaba Lešole o tla kgetha lerato goba setšo gomme a nyala morwedi wa kgoši le ge pelo ya gagwe e le go Senoinoi?