Ke tlalelong
Ke kgakanegong
Ke tšhogile
Nkatogeng!

Le reng le mpakela mašata
Le ntomolela mahlo?
Ntamoleleng, ke mathateng
Ke ra lena bomarata helele!

La mpona ke le dingalong
Ke le maswabing
Ke ekwa bohloko.
Ke eng ka lena le mmakaletše?

Ekaba botho bja lena bo kae
Go reng le eta le tsena metseng le enwa dinwamaphodi ka laka leina
Le reng le e nametša thaba mola le e bona e hlotša?
Nkatogeng hle!

Yaka phošo ga ke e tsebe
Fela dipolelo ka nna ga di fele
Bošego ke a hlobaela, boroko ke sekoloto
Molato e le dipolelo tša lena.

Nkatogeng lena matswiana a dinoga
Nkatogeng lena dira tenang
Ke ra lena bosenkga maroga
Nkatogeng hle.

Go nna dikeledi di ela boka madiba
Bookelong ke tsena ke etšwa
Molato e le dikgopolo tša go hloka dikarabo
Nkatogeng le ntlogeleng!