Sasiyisizwe esazisa imvelaphi yaso
Sasiyisizwe samasiko nesikompilo lethu lilihle
Sasindawonye sinamasiko sonke e-Africa
Kungekho mingcele
Kungekho obukela omunye phansi
Sonke sazana sithandana simunye
Bheka okunye esasikuqhoka kucishe kufane
Amasiko ethu amanye ayecishe afane
Sasiwumndeni omukhulu wase-Africa
Sasijabulile kakhulu e-Africa futhi singasweli lutho
Singabafuyi izinkomo zigcwele izibaya emakhaya
Bathi asikwazi kufuya manje
Sasingabalimi amasimu omame emakhulu kulinywa
Bathi asikwazi ukulima manje
Sasingabazingeli phela kubamba ezingelayo
Abafuni sizingele manje basho lokhu nalokhuya
Sasingabadobi sidoba izinhlanzi
Abafuni sidobe bafuna amaphepha manje
Besiyisizwe sase-Africa
Isizwe esisodwa
Isizwe esibumbene
Isizwe esinothile futhi esinokuthile