Bonang baswari ba thipa ka bogaleng ba tšerwe ke phiri.
Digotlane di šikašika le naga boka Maru a nyaka go neša pula ya Matlakadibe.
Afa badimo ba tla tsoga ba re lebeletše ka dipelo tša kwelobohloko?
Go belegwa gona ke belegilwe efela Mma a ntšhia ke sa le lesea la go nyanya matutu.
Tlala ya tla ka gešo, ya bitša lehu morwa wa Dikeledi le Madimabe.
Lefaseng gona khutšo ga ke e hwetše mola batswadi baka ba ntšhiile ke le noši
Ke topa tša fase, malwetši a mmele a gwerana le nna.