(Dalindyebo, uSakhumzi, Nkosinathi noZolile babalekela esibhedlele emveni’kokuba bevile ukuba uZanele uses’bhedlele)
Dalindyebo: Doctor! Doctor!
Ugqirha: Ndinganinceda Tata?
Dalindyebo: Ndicela ukubuza ukuba umntwana wam uZanele ukweliphi igumbi? Ndifuna ukumbona.
Ugqirha: Kulungile, lindani apha.
Dalindyebo: Ndicela ukumbona ukuba unjani?
Ugqirha: Awuzokwazi ukumbona namhlanje, ulimele’kakhulu. Sizama konke okusemandleni eth’ukumnceda.
Dalindyebo: Ngumntwana wam oyintanda lo, andiyiboni into endinoyiphilela ngaphandle kwakhe…ubomi bakhe busezandleni zenu. (ekhathazekile)
Ugqirha: Kulungile. Anizokwazi ukumbona namhlanje, hambani nibuye ngomso.
Dalindyebo: Ndicela ukuba ndihlale ndilinde apha. Andingekhe ndikwazi ukuhlala emzini wam ndingazi ukuba kwenzeka ntoni ngentombi yam.
Ugqirha: Kuzolunga ukuba uyophumla Tata, umdala kakhlu awuzokwazi ukuhlala imini nobusuku esibhedlele.
Sakhumzi: Unyanisile Tata, ubomi bakhe busezandleni zogqirha ayikho into esinokuyenza thina.
(Ugqirha aphume ukuy’okusebenza)
Dlindyebo: Masibuyeleni ekhaya ke xa kunjalo.
Nkosinathi: Ndicela ukuba sithandaze phambi kokuba sihambe.
Dalindyebo: Unyanisile, noZanele umntwana wam ukholelwa kakhulu emthandazweni.
Nkosinathi: (Athandaze)
Sakhumzi: Amen. Ubomi ingathi bufutshane kufuneka ndizifunele icawa ndikhonze nam.
Nkosinathi: Ithuba lisekhona mfowethu, iminyago yakhe ivulelwe abantu abanje ngathi.
Sakhumzi: Ingaba kwezingxaki zingaka sihlangana nazo, uyakholelwa ukuba uThixo ukhona?
Nkosinathi: UThixo ukhona kwindawo zonke ngamaxesha onke. Nakwesisimo ndisamkholwa ukuba unguThixo akasayi kusishiya ukunye nathi. Inqwithela azisisusi ebusweni bakhe.
(Baphume ukuya Ekhaya.)
Dalindyebo: Khawutsho, kwenzeke ntoni mkhwenyana?
Duma: Ixesha elininzi besihlele kakuhle sonwabile akukhonto ndiyisolayo. Lento yenzekileyo liqubuliso bendingalilindelanga. (Ekhathazekile)
Dalindyebo: Abazukulwana bam bona bahleli kanjani?
Duma: Abantwana bam bahleli kakuhle bonke bayafunda, lo umdala ngoyena umfuze kakhulu uZanele ngokuthobeka nokukhuthala ekhaya.
Dalindyebo: uZanele ngoyena mntwana wam ungumzekelo kwelikhaya, uThixo xa enothatha yena angaphela awam amathemba kwelikhaya. Umvusile lo mzi waseMankabaneni lomntwana.
Duma: Khawutsho Tata uZanele ebeziphethe njani ngexesha ebeyintombi.
Dalindyebo: Ebekhuthele kakhulu lo mntwana ukukhula kwakhe, xa ndishiye yena bendingabinavalo ngokuba ndiyayazi indlela aziphethe ngayo. Umama wakhe umfuze kakhulu. Ngoyena mntwana wam umdala unengqondo kwabantwana bam.
Zolile: Ufunu ukuthi asinagqondo Tata ngoku thina?
Dalindyebo: (Ehleka)… Undive kak’bi nyana! UZanele ngoyena mntwana unomqolo.
Zolile: Sonke Tata nje umqolo sinawo utsh’uthini ngathi?
Dalindyebo: Ndikulibele ukuba uphila kwixesha lesimanje-manje, isiXhosa awusazi. Ndokucacisa intw’enye kutshone ilanga apha kuwe Zolile.
Sakhumzi: UTata uthi ukuba Zanele is a woman withmorals and principles, mfowethu.
Zolile: I really miss her ngoku ndizambona ngexesha elibi kakhulu, emva kwexesha elingaka.
Dalindyebo: Oko! Wabanomzi wena wanqaba kakhulu, kungcono noZanele lo uyabonakala ekhaya, utshipha nakowenu ke wena.
Zolile: Ngumsebenzi Tata lo undibambe ixesha elingaka.
Dalindyebo: Sakhumzi! Ndicela undiphathele impepho yam phaya.
Sakhumzi: Tata, uzokuyenzani impepho ngoku?
Dalindyebo: Ndizakuthetha nabaphantsi…Amankabane!
Sakhumzi: Bendicinga ukuba uthembe uThixo nje Tata akunjalo?
Dalindyebo: Ndiyakholwa kuQamata kodwa kufuneka sijonge kwamacala onke.
Sakhumzi: Uzokuyazi njani ukuba yeyiphi ekuncedileyo xa uzenza zonke.
Nkosinathi: Kaloku Tata akufunekanga silibale ukuba uJehova nguye owadala zonke izinto, zonke neMpepho idalwe nguye.
Dalindyebo: Khaniyeke ukuba nindibuza iimbuzo eminizi maan! Ixesha lam lokuzalwa ngokutsha (lokusindiswa) alikafiki.
Sakhumzi: Xa utshoyo ke Tata ndizakunikeza. (amnike)
Dalindyebo: (Eqhumisa impepho) Mankabane, Mth’wembotyi, Ndluntsha, Nkomo zibomvu, ndicela ukuba nimkhusele lomntwana wam uZanele kuyo yonke imimoya emdaka. Ndiyabulela bokhokho.
Nkosinathi: Ndicinga mntakwethu sihambe ukuya etempileni siyocela khona uncedo ngesisimo sehlileyo.
Sakhumzi: Hay’ke masingaphozisi Maseko, masiqubule egoqweni. (baphume)
Dalindyebo: Mandikukhulule mkhwenyana, abantwana bakho bahleli bodwa ekhaya.
Duma: Oh ndiyabulela, ndicela ukuba nindazise ngakokonke okuqhubekayo esibhedlele. (aphume)
***
Umboniso 11
(UDalindyebo uhleli yedwa kusemva-kwemini. Kukhalo ucingo.)
Dalindyebo: Hello?
Ugqirha: Bendicela uNkosinathi. Ingaba ukhona?
Dalindyebo: Akekho, ndinguyise, ungamdlulisa umyalezo.
Ugqirha: Lo uthethayo ngu Doctor Lukhanyo ndiphuma kwisebe lase Tigerberg Hospital…
Dalindyebo: Thetha lento uzanayo, uzakunyusa izibilili zam ngoku.
Ugqirha: UZanele intombi yakho ivukile namhlanje kusasa, simkhuphile kwigumbi le ICU.
Dalindyebo: Ziindaba ezincumisayo ez’uzanazo. Nimkhulule umoya wam Ndiyabulela… Ubuyanini ukuza ekhaya?
Ugqirha: After two days…
(Kuthe besathetha kwangena uSakhumzi noNkosinathi)
Ugqirha: Imithandazo yenu ivakele.
Nkosinathi: Ngubani lo uthetha naye ecingweni tata?
Dalindyebo: ngu Doctor Lukhanyo nyana wam, uZanale uphapheme esibhedlele. Uphilile.
Nkosinathi: Awuh! Makabongwe ongabonwa ngeliso lenyama, ziindaba ezimnandi’ezo.
(Kusebusuku esibhedlele egumbini lika Zanele…)
Dalindyebo: Unjani mntwana wam? (ekhathazekile)
Zanele: Tata usandibiza ngomntwana na ngoku ndinguMakoti. (Encumile)
Dalindyebo: Awusoze uyeke ukuba ngumntwana kaloku kum. (Ehleka)
Zanele: UZolile mdala yena lento ungayithethi lo nto kuye noSakhumzi?
Sakhumzi: Zanele, sibadala kuwe thina kaloku… Musa ukusilinganisa. Wena ungowokugqibela!
Zolile: Injalo mkhuluwa wam.
Dalindyebo: Tyini makwedini! Nazigqibela ndikhona…nizalwa ndim nonke ndinalo igunya lokunibiza ngazo zonke izibongo.
Zanele: Ndiziva noko ndisemandleni, ndiyatya ngoku andisafani nakuqala. Makabongwe ongabonwayo ngeliso lenyama.
Dalindyebo: Ngoku bathi ubuyanini ekhaya oogqirha?
Zanele: Bathi kungenzeka ndibuye ukuphela kweveki ezayo.
***
Umboniso 12
(UKumkani uhleli nonkosikazi wakhe phandle ngasesibayeni, kufika uDalindyebo…)
Kumkani: Heeh! Nkosikazi ubukhe wayiva lento yalomntwana wokugqibela ukuba uses’bhedlele?
Mam’doli: UZanele! Yini intombi kaDalindyebo! Kaloku ngoyena mntwana wakhe uchubekileyo lowa.
Kumkani: Inoba intlizyo yakhe ityumkile umhlobo wam, uyithanda kakhulu intombi yakhe.
Mam’doli: Elakhaya liyalingwa ingathi laqalekiswa.
Kumkani: Itsho uphinde nkosikazi, umhlobo wam kuyafuneka ayokuyiqonda into yokuba kwenzekantoni.
Mam’doli: Kodwa, inoba likhona ibhadi kulamzi.
Kumkani: Kufuneka ndithethe naye ukuba ayokumnyanga la’mzi azokuhlanzeka.
Mam’doli: Masiyiyeke ngelohobo nanku uMkabane esiza.
Kumkani: Awuuh! Mkabane!
Dalindyebo: Yintoni wandikhahlela ngelihlobo, beningandihlebi kodwa!
Kumkani: Khululeka mhlobo wam, siyazincokolela nje nonkosikazi.
Dalindyebo: Eei! Azityebe iinkomo zakho mfondini wenzanjani?
Kumkani: Ezinkomo zijongwa ngunyana wam uNkosinathi, kucacile ukuba uzolusa kakuhle.
Dalindyebo: Le’ntwana icinga nini ukuthatha unkosikazi s’bali.
Kumkani: Andiyazi ngokuba ayikathethi’nto.
Dalindyebo: Kaloku s’bali umntu uyathathelwa umfazi xa ecotha, lisiko lethu elo’kaloku.
Kumkani: Kaloku lomntwana likholwa, akululanga ukuyenza lonto uNkulunkulu angandibetha.
Dalindyebo: Hayke! Ndiyakuva.
Kumkani: Khawutsho ucinga nini ukuya enyangeni?
Dalindyebo: Kwinyanga! Ndiyokuthini kosiyazi?
Kumkani: Uyokulungisa ingxaki zomziwakho s’bali.
Dalindyebo: Uphambene! S’bali ngubani ebethekuwe ndinengxaki ngomzi wam? (enomsindo)
Kumkani: Ndiyaxolisa Mnguni, bendingaqondanga ukuthetha ngelohlobo bendisithi ndiyacebisa.
Dalindyebo: Xa ndifun’ukucetyiswa ndizakutsho kuwe, sukuhamba uzifaka s’bali…(ehamba)
Kumkani: Haybo! Andikugxothanga mnguni…(Ekhathazekile)
Dalindyebo: Hay’suka! (Ahambe…)