(Tamarisi o kopana le Raesetja tseleng. Ba eme e bile ba boledisana kala gore ke kgale ba bonane.)

Raesetja: Wena Tamarisi, kgane o iphihlile kae?

Tamarisi: (Wa sega) Aowa, ke wena o iphihlileng agaa.

Raesetja: Gape go bolela nnete kgale ra bonana wa tseba.

Tamarisi: Ke nnete, gape sa le ke feleletsa go bona Paledi Mall, go tloga fao ka sago bona.

Raesetja: (Wa sega) ka nnete.

Tamarisi: Ee, mpotse, kgane o lebile kae?

Raesetja: Aowa, kea lebenkeleng kea go reka menatlana.

Tamarisi: Ee, kgane ba re go diregang ka Mokgatla wena?

Raesetja: Aowa, ke botsisa wena, kgane o kwile ba re go diregang?

Tamarisi: nna ke nokwa gothwee Lesodi le Matome ba nyaka gore a bolokwe ke mmasepala.

Raesetja: Kgane diswaithi tsela Mpiletseng a bego a di dira tsona?

Tamarisi: Eng?

Raesetja: Kera diswaithi.

Tamarisi: Wena, e jo homola o re tuu. Gape ke kgale di lesitswe wena.

Raesetja: Di lesitswe, mola diswaithi di bohlokwa ka tsela ye.

Tamarisi: O ka bolela gape, e beile Mokgatla wa modimo a be a ithatela bjala, diseswaithi a ka di lefela?

Raesetja: Aowa lege a e thatela bjala, kgane mosadi wa gagwe o be a sa lefele?

Tamarisi: Aowa mmago wena. Gape Mpiletseng o no re go timelela, diseswaithi tsa tswalelwa gwa sa lefelwa.

Raesetja: Ish, aowa ke mathata ruri.

Mokgatla o gopolwa ka go ithatela bjala. Wena o rata go gopolwa bjang ga o se oile?